పనితీరు బాగోకపోతే ముందస్తుగా పదవీ విరమణ

ప్రతి నెలా ఉద్యోగులపై నివేదిక 

దిల్లీ: కేంద్ర ప్రభుత్వ పరిధిలోని అన్ని మంత్రిత్వ శాఖలు, విభాగాలు, కార్యాలయాలూ తమ సిబ్బంది పనితీరుకు సంబంధించిన నివేదికను ప్రతి నెలా 15వ తేదీలోగా అందించాలని డిపార్ట్‌మెంట్‌ ఆఫ్‌ పర్సనల్‌ అండ్‌ ట్రైనింగ్‌(డీఓపీటీ) స్పష్టం చేసింది. ఆ నివేదికల ఆధారంగా పనితీరు సరిగా లేని వారితో ముందస్తుగా పదవీ విరమణ చేయించే దిశగా కసరత్తు చేపట్టింది. ఇందులో భాగంగా అన్ని మంత్రిత్వ శాఖలతోపాటు పీఎస్‌యూలు, బ్యాంకులు, స్వయంప్రతిపత్తి సంస్థలు, చట్టబద్ధ వ్యవస్థల ఉన్నతాధికారులకు ఇప్పటికే నిబంధనలతో కూడిన ఆదేశాలను పంపించింది.