రూ.52 లక్షల అవినీతి ఆరోపణలు.. కొండగట్టు ఈవోపై సస్పెన్షన్‌ వేటు

కొండగట్టు: జగిత్యాల జిల్లా కొండగట్టు అంజన్న ఆలయ ఈవో వెంకటేశ్‌ సస్పెండ్‌ అయ్యారు. ఆలయ సిబ్బందిపై వచ్చిన రూ.52 లక్షల అవినీతి ఆరోపణలపై నిర్లక్ష్యం వహించినందుకు ఆయన సస్పెండ్‌ చేస్తూ దేవాదాయ కమిషనర్‌ హనుమంతరావు ఉత్తర్వులు జారీ చేశారు. గత కొద్ది రోజులుగా కొండగట్టులో భారీ ఎత్తున అక్రమాలు చోటు చేసుకోవడం, రూ.52 లక్షల నిధుల దుర్వినియోగం జరగడంపై రెండు రోజుల క్రితం అడిషనల్‌ డిప్యూటీ కమిషనర్‌ జ్యోతి విచారణ జరిపి ఇచ్చిన నివేదిక మేరకు ఈ నిర్ణయం తీసుకున్నట్లు తెలుస్తోంది. అసిస్టెంట్ కమిషనర్ చంద్రశేఖర్‌కు కొండగట్టు ఈవోగా అదనపు బాధ్యతలు అప్పగించారు.