Amaravati: తిరుమలకు బస్సుల్లో బయల్దేరిన అమరావతి ప్రాంత రైతులు

తుళ్లూరు: తిరుమల శ్రీవారికి మొక్కులు చెల్లించుకునేందుకు రాజధాని అమరావతి ప్రాంత రైతులు బయల్దేరారు. రాజధాని ఉద్యమం విజయం సాధించడం, అమరావతి రూపశిల్పి చంద్రబాబు సీఎం కావడంతో మొక్కులు చెల్లించాలని నిర్ణయించుకున్నారు. రైతులు, మహిళలు పెద్ద ఎత్తున బస్సుల్లో బయల్దేరి తిరుమలకు వెళ్లారు. ఈ బస్సులను తెదేపా ఎమ్మెల్యే తెనాలి శ్రావణ్‌కుమార్‌ జెండా ఊపి ప్రారంభించారు. ఈ సందర్భంగా ఎమ్మెల్యే మాట్లాడుతూ సీఎం చంద్రబాబు సారథ్యంలో ప్రపంచస్థాయి గుర్తింపు పొందేలా రాజధాని అమరావతి రూపుదిద్దుకుంటుందన్నారు. ప్రజలందరి సలహాలు, సూచనలతో అద్భుతంగా ప్రజారాజధాని నిర్మాణం చేస్తారని చెప్పారు.