Today Horoscope in Telugu: నేటి రాశి ఫలాలు.. 12 రాశుల ఫలితాలు ఇలా... (30/06/24)

మేషం

చక్కటి  ఆలోచనా విధానంతో అనుకున్నది సాధిస్తారు. నూతన కార్యక్రమాలు చేపడతారు.  మీ కీర్తి ప్రతిష్టలు పెరుగుతాయి. లక్ష్మీదేవిని ఆరాధిస్తే శుభ ఫలితాలుంటాయి.  

వృషభం

తలపెట్టిన కార్యాలు ఆటంకాలు ఎదురైనా అధిగమించే ప్రయత్నం చేస్తారు. ద్వాదశ చంద్ర స్థితి అనుకూలంగా లేదు. కొందరి ప్రవర్తన కాస్త బాధ కలిగిస్తుంది. కీలక విషయాల్లో శాంతంగా మెలగాలి. గోసేవ చేస్తే మంచిది.

మిథునం

కీలక వ్యవహారాల్లో పెద్దలను కలుస్తారు. నిర్ణయం మీకు అనుకూలంగా వస్తుంది. ఆధ్యాత్మిక కార్యక్రమాలలో  పాల్గొంటారు.  ఇష్టదేవతా  స్తోత్ర పారాయణ శుభదాయకం.

కర్కాటకం

ఆశించిన ఫలితాలుంటాయి. తోటివారితో మేలు జరుగుతుంది. ఆధ్యాత్మిక కార్యక్రమాల్లో పాల్గొంటారు.  సుబ్రహ్మణ్య స్వామి ఆరాధన మంచి ఫలితాలనిస్తుంది.

సింహం

చేపట్టే పనుల్లో శ్రమ పెరుగుతుంది. బంధువులతో ఆచితూచి వ్యవహరించాలి. ఆర్థిక విషయాల్లో ఖర్చులు పెరగకుండా చూసుకోవాలి. ఆపదలు తొలగడానికి రామరక్షా స్తోత్రం చదివితే మంచిది.

కన్య

పనుల్లో జాప్యం జరగకుండా చూసుకోవాలి. కుటుంబ బాధ్యతలు అధికమవుతాయి. ఒక పరీక్షలా వాటిని ఎదుర్కోవాల్సి వస్తుంది. మీ అంచనాలు తప్పుతాయి. విలువైన వస్తువుల విషయం అజాగ్రత్త పనికి రాదు. ఆదిత్య హృదయం పఠిస్తే శుభదాయకం.

తుల

ధర్మసిద్ధి ఉంది. బంధువుల సహకారం అందుతుంది. ఒక శుభవార్త మీ మనోధైర్యాన్ని పెంచుతుంది.  సమాజంలో మీ పేరు ప్రతిష్టలు పెరుగుతాయి. ఇష్టదైవారాదన శుభప్రదం.

వృశ్చికం

వృత్తి, ఉద్యోగ, వ్యాపారాది రంగాల్లో అనుకూల ఫలితాలున్నాయి. తెలివితేటలతో ఆలోచించి కొన్ని కీలకమైన పనులను పూర్తి చేయగలుగుతారు. ప్రసన్నాంజనేయ స్వామి స్తోత్రం పారాయణ చేయాలి.

ధనుస్సు

శ్రమతో కూడిన ఫలితాలు అందుతాయి. అధికారులు మీకు అనుకూలమైన నిర్ణయాన్ని తీసుకుంటారు.  కీలక వ్యవహారాలు కలిసి వస్తాయి. శ్రమ పెరగకుండా చూసుకోవాలి. వేంకటేశ్వర స్వామి వారి దర్శనం శుభప్రదం.  

మకరం

ఇష్టులతో కాలాన్ని గడుపుతారు. మనోధైర్యంతో చేసే పనులు కలిసి వస్తాయి. ఓర్పు సదా రక్షిస్తుంది . కుటుంబ సభ్యుల సహకారం ఉంటుంది. ఆంజనేయ స్వామి సందర్శనం మంచి ఫలితాలను ఇస్తుంది.

కుంభం

అనుకున్న పనులు నెరవేరుతాయి.  మనః సౌఖ్యం ఉంటుంది. ఉన్నతాధికారుల సహకారం ఉంటుంది.   అర్థలాభం ఉంది. ధర్మసిద్ధి కలదు. శత్రువులపై విజయం సాధిస్తారు. ఇష్టదైవారాధన శుభప్రదం. 

మీనం

ఆలోచనల్లో నిలకడ లేకపోవడంతో ఇబ్బందులకు గురవుతారు. కీలక సందర్భాల్లో పెద్దలు సలహాలు తప్పనిసరి. మనోవిచారం కలిగించే సంఘటనలకు దూరంగా ఉండాలి. సుబ్రహ్మణ్య స్వామి ఆరాధన మేలైన ఫలితాలను ఇస్తుంది.

- ఇంటర్నెట్‌ డెస్క్