T20 World Cup: ప్రపంచకప్‌ పూనకాలు.. సచివాలయం వద్ద సంబరాలు ఇవీ..

హైదరాబాద్‌: భారత్‌ టీ20 ప్రపంచకప్‌ గెలిచి విశ్వవిజేతగా నిలిచిన వేళ దేశవ్యాప్తంగా సంబరాలు మిన్నంటాయి. ఎక్కడ చూసినా క్రికెట్‌ అభిమానుల కేరింతలే కనిపిస్తున్నాయి. హైదరాబాద్‌ ట్యాంక్‌ బండ్‌కు పెద్ద ఎత్తున చేరుకున్న క్రికెట్‌ అభిమానులు బాణసంచా పేలుస్తూ ఘనంగా వేడుకలు నిర్వహించుకున్నారు. సచివాలయం వద్ద జాతీయ జెండా పట్టుకొని, టపాసులు కాలుస్తూ యువత చిందులేస్తూ గడిపారు. భారత్‌ మాతాకీ జై... అని నినాదాలు చేస్తూ తమ సంతోషాన్ని పంచుకున్నారు. భారీగా అభిమానులు చేరుకోవడంతో ట్యాంక్‌బండ్‌, సచివాలయం పరిసర ప్రాంతాల్లో కిలోమీటర్ల మేర ట్రాఫిక్‌ నిలిచిపోయింది. క్రమబద్ధీకరించేందుకు ట్రాఫిక్‌ పోలీసులు ప్రయత్నిస్తున్నారు.