Revanth Reddy: అసెంబ్లీ సమావేశాల్లో చర్చించి జాబ్‌ క్యాలెండర్‌ విడుదల చేస్తాం: రేవంత్‌రెడ్డి

హైదరాబాద్‌: అసెంబ్లీ సమావేశాల్లో చర్చించి జాబ్‌ క్యాలెండర్‌ విడుదల చేస్తామని సీఎం రేవంత్‌రెడ్డి తెలిపారు. నిరుద్యోగుల ఆందోళనలు, డిమాండ్లపై ఆయన పార్టీ విద్యార్థి, యువజన నేతలు, అధికారులతో చర్చించారు. ఉద్యోగాల భర్తీపై ప్రభుత్వం కృత నిశ్చయంతో ఉందని స్పష్టం చేశారు. కొన్ని పార్టీలు, స్వార్థపూరిత శక్తుల కుట్రలకు నిరుద్యోగులు బలికావొద్దని విజ్ఞప్తి చేశారు. పరీక్షల సమయంలో నిబంధనలు మారిస్తే తగిన నిర్ణయం తీసుకుంటామన్నారు. నిరుద్యోగులకు ఇచ్చిన హామీ ప్రకారం 28,942 నియామకాలు చేపట్టామని పేర్కొన్నారు. పరీక్షల తేదీలపై టీజీపీఎస్‌సీ, విద్యాశాఖతో చర్చించి నిర్ణయం తీసుకుంటామని చెప్పారు.