ఎన్‌సీసీ బెటాలియన్‌ తరలించొద్దని వినతి

డీఆర్‌వో గంగాధర్‌గౌడ్‌కు వినతిపత్రం అందిస్తున్న సీనియర్‌ ఎన్‌సీసీ క్యాడెట్లు 

కడప క్రీడలు, న్యూస్‌టుడే : కడప నగర శివారు తెలుగు గంగ కాలనీలోని ఆంధ్రా బెటాలియన్‌ను తిరుపతికి తరలించొద్దని సీనియర్‌ ఎన్‌సీసీ క్యాడెట్లు కోరారు. ఈ మేరకు కడప డీఆర్‌వో గంగాధర్‌గౌడ్‌ను గురువారం ఆయన కార్యాలయంలో కలిసి వినతిపత్రం అందజేశారు. ఎన్‌సీసీ బెటాలియన్‌ను తరలిస్తే కలిగే పరిణామాలను వివరించారు. ఈ సందర్భంగా క్యాడెట్లు మాట్లాడుతూ..  ఫిబ్రవరిలో నిర్వహించిన ఏ, బీ, సీ సర్టిఫికెట్ల ఫలితాలను అన్ని జిల్లాల్లో విడుదల చేశారని, జిల్లాలో ఇప్పటి వరకు విడుదల చేయకపోవడంతో ఇబ్బందులు పడుతున్నారన్నారు. ఎవరో చేసిన అక్రమాల  కారణంగా ఈ ఏడాది ఎన్‌సీసీ ప్రవేశాలు రద్దు చేయడం బాధాకరమన్నారు. అధికారులు, ప్రైవేటు డిగ్రీ కళాశాలల యాజమాన్యాలు చేసిన తప్పునకు ఎన్‌సీసీ బెటాలియన్‌ను తిరుపతికి తరలించడం సరికాదన్నారు. పాలకులు, అధికారులు జోక్యం చేసుకుని ఎన్‌సీసీ బెటాలియన్‌ తరలింపును అడ్డుకోవాలన్నారు.