వైకాపా పాపం... విద్యార్థులకు శాపం!

బి.కోడూరు మండలం సగిలేరు అంబేడ్కర్‌ గురుకుల కళాశాల గదులు కూలేందుకు సిద్ధంగా ఉన్నాయి. నాడు-నేడు పనుల్లో భాగంగా రూ.30 లక్షలతో సుందరంగా తీర్చిదిద్దామని గత వైకాపా ప్రభుత్వ పాలకులు గొప్పలు చెప్పారు. క్షేత్రస్థాయిలో పరిస్థితులు పరిశీలిస్తే అందుకు భిన్నంగా ఉన్నాయి. కనీస మౌలిక వసతుల్లేకపోవడంతో 600 మంది విద్యార్థుల సామర్థ్యంతో నిర్మించిన ఈ గురుకులం కేవలం 230 మందికే పరిమితమైంది. కేవలం రంగులేసి బిల్లుల రూపంలో రూ.లక్షల ప్రజాధనాన్ని దుర్వినియోగం చేయడం తప్ప విద్యార్థులకు కనీస సౌకర్యాలు కల్పించకపోవడం గమనార్హం. ఈ విషయమై ప్రిన్సిపల్‌ వరప్రసాద్‌ మాట్లాడుతూ కళాశాలలో శిథిలావస్థకు చేరిన గదులను కూల్చేసేందుకు అనుమతులు కోరుతూ ప్రభుత్వానికి లేఖ రాశామన్నారు.    

ఈనాడు, కడప, న్యూస్‌టుడే, బద్వేలు