ఎండీయూ వాహనాల తనిఖీ

చెన్నూరు, న్యూస్‌టుడే: చౌక దుకాణాల ద్వారా కేవలం బియ్యం మాత్రమే పంపిణీ చేయడం, వాటిని కూడా ఆలస్యంగా అందజేయడం, అక్రమాలకు పాల్పడుతున్నారనే ఆరోపణల నేపథ్యంలో జేసీ గణేష్‌కుమార్, డీఎస్‌వో చాముండేళ్వరీ మంగళవారం ఎండీయూ వాహనాలను తనిఖీ చేశారు. నిత్యావసర సరకులను పంపిణీ చేయడంలో అధికారులు, సిబ్బంది నిర్లక్ష్యం వహిస్తే చర్యలు తప్పవని హెచ్చరించారు. నిల్వ ఉన్న సరుకు, పంపిణీపై ఆరా తీశారు. కొందరు డీలర్ల రాజీనామాలు,  రాజకీయ నిర్ణయాల్లో నెలకొన్న అలసత్వంతో కేవలం బియ్యం మాత్రమే పంపిణీ చేయడంపై లబ్ధిదారులు అసంతృప్తి వ్యక్తం చేస్తున్నారు.