శీతంపేటలో ప్రభుత్వ స్థలం ఆక్రమణ

వీరబల్లి, న్యూస్‌టుడే: అక్రమార్కులు ప్రభుత్వ స్థలాలు ఆక్రమిస్తున్నారని కలెక్టర్‌కు ఫిర్యాదు చేసినా రెవెన్యూ అధికారుల్లో ఏ మాత్రం చలనం లేదని తాటిగుంటపల్లి పంచాయతీ శీతంపేట గ్రామస్థులు ఆగ్రహం వ్యక్తం చేస్తున్నారు. గత వైకాపా పాలనలో గ్రామానికి చెందిన ఓ వైకాపా నేత గ్రామ సమీపంలోని ప్రభుత్వ స్థలాన్ని ఆక్రమించి రాళ్లు పాతారని.. ప్రజల అవసరాలకు  రెవెన్యూ అధికారులు ఏమాత్రం పట్టించుకోవడం లేదని విమర్శించారు. ఈ విషయమై తహసీల్దారు శ్రీనివాసరావును వివరణ కోరగా.. స్థానికుల నుంచి ఫిర్యాదు అందిందని విచారించి బాధ్యులపై చర్యలు తీసుకుంటామన్నారు.