రహదారి కబ్జా... సాగుతో దర్జా

కలిచెర్లలో రహదారిని ఆక్రమించి నాటిన మొక్కలు

పెద్దమండ్యం, న్యూస్‌టుడే: మండలంలోని కలిచెర్ల గ్రామానికి చెందిన పాపిరెడ్డిచెరువు ఆయకట్టు భూములకు వెళ్లే దారిని ఆక్రమించుకుని చుట్టూ కంచె ఏర్పాటు చేశాడు. పొలాలకు దారి లేకుండా చేసినా పట్టించుకునే వారే కరవయ్యారని వాపోతున్నారు. కలిచెర్ల గ్రామం సర్వే నంబరు 786లో రెండు ఎకరాలు ఆక్రమించి పొలాలకు వెళ్లేదారి లేకుండా చేసి మొక్కలు నాటాడని, వైకాపా నాయకుల అండదండలతో దారిని, రైతులు పండించిన పంటలను ఆరబెట్టుకునే వడ్లబండను కూడా ఆక్రమించుకున్నాడని వాపోతున్నారు. స్థానిక తహసీల్దారుకు ఆరుసార్లు ఫిర్యాదు చేసినా అధికారులు పట్టించుకోలేదని కలెక్టర్‌కు కూడా ఫిర్యాదు చేసినట్లు చెప్పారు. స్పందనలో ఫిర్యాదు చేసినా పట్టించుకునే వారు కరవయ్యారని వాపోతున్నారు.