జాతీయ లోక్‌ అదాలత్‌లో జిల్లాకు రెండోస్థానం

కడప న్యాయవిభాగం, న్యూస్‌టుడే: జిల్లా వ్యాప్తంగా నిర్వహించిన జాతీయ లోక్‌ అదాలత్‌లో కేసుల పరిష్కారంలో రాష్ట్రంలో కడప రెండో స్థానంలో నిలిచిందని జిల్లా న్యాయసేవాధికార సంస్థ ఛైర్‌పర్సన్, జిల్లా ప్రధాన న్యాయమూర్తి జి.శ్రీదేవి ఆదివారం తెలిపారు. మొత్తం 2367 కేసులు పరిష్కారమయ్యాని, పరిహారంగా రూ.16,57,23,983 బాధితులకు ఇచ్చేందుకు ఆవార్డులు మంజూరు చేశామని వివరించారు. ఇందుకు సహకరించిన న్యాయవాదులు, రెవెన్యూ, పోలీసు, ఇన్యూరెన్స్, బ్యాంకు చిట్‌ ఫండ్‌ అధికారులు, సిబ్బందికి ఛైర్‌పర్సన్‌ శ్రీదేవి, సీనియర్‌ జడ్జి బాబా ఫకృద్దీన్‌ కృతజ్ఞతలు తెలిపారు.