ప్రధాని మోదీ పిలుపుతో ‘అమ్మ పేరిట మొక్క’ కార్యక్రమం

కొయ్యలగూడెం గ్రామీణం: ప్రధాన మంత్రి నరేంద్ర మోదీ పిలుపు మేరకు కొయ్యలగూడెం మండలం బయ్యన్నగూడెంలో భాజపా నాయకులు ' అమ్మ పేరిట మొక్క' కార్యక్రమం నిర్వహించారు. దీనిలో భాగంగా గ్రామంలోని రామకోనేరు చెరువు గట్టు పై పలు రకాల మొక్కలను నాటారు. కార్యక్రమంలో భాజపా రాష్ట్ర మహిళా మోర్చా అధ్యక్షురాలు నిర్మలా కిశోర్, జిల్లా ప్రధాన కార్యదర్శి కట్టా సత్యనారాయణ,  కొయ్యలగూడెం మండల అధ్యక్షులు బొమ్మ బాబు, జనసేన పార్టీ జిల్లా సంయుక్త కార్యదర్శి-మద్దు తేజ విశ్వనాథ్‌, బాలం నరేష్ , రాధాకృష్ణ ,నివాస్, తమ్మిశెట్టి.మల్లేశ్వరి, ఆరేటి ఏసుబాబు తదితరులు పాల్గొన్నారు.