మేకను చంపిన చిరుతపులి!

కళేబరాన్ని పరిశీలిస్తున్న అటవీ శాఖ సిబ్బంది

పోలవరం, న్యూస్‌టుడే: పోలవరం మండలం వింజరం పంచాయతీ సున్నాలగొంది గ్రామంలో చిరుతపులి మేకను చంపిన ఘటన ఆలస్యంగా వెలుగులోకి వచ్చింది. మడకం కోటేశ్వరరావు మేకలను ఇంటి సమీపంలో ఉంచి మేపుతున్నాడు. రెండ్రోజులుగా అందులో ఒకటి కనిపించలేదని అడవిలో గాలిస్తుండగా బుధవారం దాని కళేబరం కనిపించింది. దీనిపై పోలవరం అటవీశాఖధికారులకు సమాచారం ఇవ్వడంతో వారు వచ్చి పరిశీలించారు. పరిసరాల్లో చిరుత పులి తిరుగుతోందని ఎవరూ అడవిలోకి వెళ్లొద్దని, పశువులను బయటకు వదలొద్దని ఇన్‌ఛార్జి రేంజర్‌ ఎం.దావీద్‌రాజు విజ్ఞప్తి చేశారు.