నజరానా కాదు.. తెరిస్తే ఖాతా ఖాళీ..

చరవాణి ద్వారా అందిన సమాచారం 

దేవరుప్పుల (జనగామ జిల్లా), న్యూస్‌టుడే: చరవాణి ఉన్నవారికి రెండు మూడు రోజులుగా వస్తున్న ఒక సంక్షిప్త సందేశం ఎంతో ప్రమాదకరమైందని నిపుణులు చెపుతున్నారు. పరిమితికి మించి ఆదాయం వస్తున్న వేతనజీవులు ప్రతియేటా పన్ను చెల్లిస్తుంటారు. చెల్లించిన పన్ను అధికంగా ఉందని ఈ మొత్తం మీ పొదుపు ఖాతాకు మళ్లించినట్లు తెలుపుతూ ఖాతా నెంబర్‌లో తేడా ఉంటే దిగువనున్న లింక్‌ క్లిక్‌ చేయమని సూచిస్తున్నారు. ఇలాంటి లింక్‌ను ఓపెన్‌ చేస్తే డబ్బులు ఖాళీ అవుతాయని సైబర్‌ అధికారి ఒకరు చెప్పారు. ఆ శాఖ నుంచి ఇలాంటి సందేశాలు రావని, సైబర్‌ నేరగాళ్లు ఇలా పంపిస్తారని సూచించారు.