Shiva Rajkumar: విజయ్‌ రాజకీయాల్లోకి రావడం మంచిదే: శివరాజ్‌కుమార్‌

ఆలయంలో నటుడు శివరాజ్‌కుమార్‌ దంపతులు

ఆర్కేనగర్, న్యూస్‌టుడే: విజయ్‌ రాజకీయాల్లోకి రావడం మంచిదేనని కన్నడ నటుడు శివరాజ్‌కుమార్‌ అన్నారు. కారైక్కాల్‌ తిరునల్లారు శనీశ్వర భగవానుడి ఆలయాన్ని మంగళవారం ఆయన తన సతీమణి సీతా శివరాజ్‌కుమార్, కుటుంబంతో కలిసి దర్శించుకున్నారు. శనీశ్వర భగవానుడి సన్నిధిలో ప్రత్యేకాభిషేకం, పూజలో పాల్గొని దర్శనం చేసుకున్నారు. అనంతరం ఆలయంలోని ఏనుగు వద్ద ఆశీర్వాదం తీసుకున్నారు. భక్తులు శివరాజ్‌కుమార్‌తో ఫొటోలు దిగారు. ఈ సందర్భంగా విలేకరులతో మాట్లాడుతూ... నటుడు విజయ్‌ తన ఆప్తమిత్రుడని అన్నారు. రాజకీయాల్లోకి వస్తారని ముందుగానే చెప్పానని గుర్తు చేశారు. ఆయనకు మంచి మనసు ఉందని, అలాంటివారు రాజకీయాల్లోకి రావడం బాగుంటుందని చెప్పారు. కల్తీసారా మరణాల విషయం తనకు తెలియదన్నారు.