రిక్షాలో రష్యా కుటుంబం ప్రయాణం

కుటుంబసభ్యులతో రిక్షా వద్ద సెర్గె

ఆర్కేనగర్, న్యూస్‌టుడే: ప్రస్తుత కాలంలో రిక్షాలు చాలా అరుదుగా కనిపిస్తున్నాయి. ఈ బండిని విదేశీ జంట సొంతంగా తయారు చేసుకుని మరీ ఉపయోగిస్తుండటం విశేషం. పుదుచ్చేరిలోని అంతర్జాతీయ నగరం ఆరోవిల్లేలో నివాసం ఉంటున్న రష్యాకు చెందిన సెర్గె- తాన్య దంపతులకు ముగ్గురు పిల్లలున్నారు. సెర్గె పుదుచ్చేరిలోని ఆటోమొబైల్‌ వర్క్‌షాప్‌లో పనిచేస్తున్నారు. తాన్య చిత్రకళాకారిణి. ఆయన వర్క్‌షాప్‌కు వచ్చి వెళ్లేందుకు వీలుగా సొంతంగా రిక్షా తయారు చేసుకున్నారు. కుటుంబమంతా ఎక్కడికైనా ఇందులోనే ప్రయాణం సాగిస్తుంటారు. ఎండ, వాన తగలకుండా పైకప్పు, ఇరువైపులా తెర కూడా ఏర్పాటు చేసుకున్నారు. ఈ రిక్షా నగర ప్రాంతంలో వెళ్లేటప్పుడు పలువురిని దృష్టిని ఆకర్షిస్తోంది.