కొత్త ఇంట్లోకి నయనతార దంపతులు

నయనతార పోస్టు చేసిన ఫొటో

చెన్నై, న్యూస్‌టుడే: దర్శకుడు విఘ్నేశ్‌ శివన్, ఆయన సతీమణి, నటి నయనతార దంపతులు తమ ఇద్దరు పిల్లలతో ఎగ్మూర్‌లోని ఓ బహుళంతస్తుల భవనంలో ఉంటున్నారు. రజనీకాంత్‌ తదితర ప్రముఖులు నివసించే పోయెస్‌గార్డెన్‌లో ఈ దంపతులు స్థలం కొనుగోలు చేసి గతంలో ఇంటి నిర్మాణ పనులు కూడా చేపట్టారు. ప్రస్తుతం పనులు పూర్తయిన నేపథ్యంలో కొత్త ఇంట్లోకి నయనతార కుటుంబం అడుగుపెట్టింది. ఇంట్లో, ఇంటి ఎదుట తీసుకున్న ఫొటోలను నయనతార తన సామాజిక మాధ్యమాల పేజీలో విడుదల చేశారు.

సదా మిమ్మల్ని ప్రేమిస్తున్నా: షాలిని

షాలినితో అజిత్‌

చెన్నై, న్యూస్‌టుడే: అగ్ర నటుడు అజిత్‌కుమార్‌ భార్య, నటి షాలిని అనారోగ్యంతో ఆస్పత్రిలో చికిత్స పొందుతున్నారు. దీంతో ‘విడాముయర్చి’ చిత్రీకరణకు బ్రేక్‌ ఇచ్చి చెన్నై చేరుకున్న అజిత్‌కుమార్‌ సతీమణిని శ్రద్ధగా చూసుకుంటున్నారు. ఇందుకు సంబంధించిన ఫొటోలను షాలిని తన ఇన్‌స్టాగ్రామ్‌ పేజీలో పంచుకున్నారు. ‘సదా మిమ్మల్ని ప్రేమిస్తున్నాను’ అంటూ వ్యాఖ్య జోడించారు.