గిరిజనుల జీవితాల్లో వెలుగులు

అల్లూరి చిత్రపటానికి నివాళులర్పిస్తున్న జేసీ శోభిక, ఇన్‌ఛార్జి డీఆర్వో కేశవనాయుడు

పార్వతీపురం, న్యూస్‌టుడే: రవి అస్తమించని బ్రిటిష్‌ సామ్రాజ్యానికి నిద్ర లేకుండా చేసి, భరతమాత విముక్తి కోసం పోరాడిన విప్లవ జ్యోతి అల్లూరి సీతారామరాజు అని జేసీ శోభిక అన్నారు. గురువారం అల్లూరి జయంతి సందర్భంగా కలెక్టరేట్‌లో ఇన్‌ఛార్జి డీఆర్వో కేశవనాయుడుతో కలిసి ఆయన చిత్రపటానికి నివాళులర్పించారు. గిరిజనుల జీవితాల్లో వెలుగు నింపేందుకు ఎంతో కృషి చేశారన్నారు. పీఆర్‌ ఇంజినీరింగ్‌ కార్యాలయంలో ఎస్‌ఈ కృష్ణాజీ ఆధ్వర్యంలో అల్లూరికి నివాళులర్పించారు.