‘వైకాపా కార్యాలయ భవనం అక్రమమే’

కార్యాలయం వద్ద నోటీసు అంటించిన ఉద్యోగులు

పార్వతీపురం పురపాలక, న్యూస్‌టుడే: పార్వతీపురంలోని వైకాపా జిల్లా కార్యాలయ భవనం అక్రమ నిర్మాణంగా భావిస్తూ రెండో నోటీసు జారీ చేశామని అధికారులు తెలిపారు. వైకాపా హయాంలో జన వనరుల శాఖకు చెందిన భూమిలో 1.18 ఎకరాల విస్తీర్ణంలో పనులు ప్రారంభించారు. విలువైన భూమిని నామమాత్రపు ధరకు లీజుకు తీసుకొని నిర్మిస్తున్నట్లు అధికారులు గుర్తించారు. పట్టణ ప్రణాళిక విభాగం అనుమతులు పొందలేదని పేర్కొంటూ జూన్‌ 25న తొలిసారి నోటీసులిచ్చారు. దీనికి సరైన వివరణ ఇవ్వకపోవడంతో మరోసారి అందజేశామని పుర కమిషనరు శ్రీనివాస్‌ తెలిపారు.