కొలంబో, దుబాయ్‌లకు విమాన సేవల పునరుద్ధరణకు వినతి

కేంద్ర మంత్రి రామ్మోహన్‌నాయుడుకు వినతిపత్రం అందజేస్తున్న ఎంపీ అప్పలనాయుడు 

ఈనాడు, విజయనగరం: విశాఖపట్నం నుంచి కొలంబో, దుబాయ్‌లకు విమాన సర్వీసులను పునరుద్ధరించాలని విజయనగరం ఎంపీ కలిశెట్టి అప్పలనాయుడు కేంద్ర పౌర విమానయాన శాఖ మంత్రి కింజరాపు రామ్మోహన్‌నాయుడుకు విజ్ఞప్తి చేశారు. గతంలో ఉత్తరాంధ్ర వాసులకు ఈ సేవలు ఎంతో ఉపయోగపడ్డాయన్నారు. కరోనా సమయంలో వీటిని నిలిపివేశారన్నారు. దీనిపై దిల్లీలో గురువారం కేంద్ర మంత్రిని కలిసి వినతిపత్రం అందజేసినట్లు చెప్పారు. విశాఖ నుంచి సూరత్, ముంబయి, వారణాసి నగరాలకు నూతన విమానయాన సేవలను అందుబాటులోకి తీసుకురావాలని కోరానని చెప్పారు. గురువారం లోక్‌సభ స్పీకర్‌గా ఎన్నికైన ఓం బిర్లాను అభినందించినట్లు పేర్కొన్నారు.