26.90 మి.మీ. సరాసరి వర్షపాతం నమోదు

విజయనగరం వ్యవసాయ విభాగం, న్యూస్‌టుడే: అల్పపీడన ద్రోణి ప్రభావంతో జిల్లా వ్యాప్తంగా వర్షాలు కురుస్తున్నాయి. దీంతో ఖరీఫ్‌ సాగులో మరో ముందడుగు పడింది. బుధవారం ఉదయం నుంచి గురువారం ఉదయం వరకు సరాసరి వర్షపాతం 26.90 మిల్లీమీటర్లుగా నమోదైంది. అత్యధికంగా బాడంగి మండలంలో 149.40 మి.మీ.., వేపాడ- 51.8, రాజాం- 48.6, సంతకవిటి- 41.2, మెరకముడిదాం- 39.2, బొబ్బిలి- 36.4, విజయనగరం- 35.2, తెర్లాం- 33.2, రామభద్రపురం- 29.6, భోగాపురం- 28.2, ఎల్‌.కోట- 26.6, నెల్లిమర్ల- 22.4, డెంకాడ- 21.6, పూసపాటిరేగ- 20.8, దత్తిరాజేరు- 17.8, జామి- 17.4, వంగర- 17.4, గజపతినగరం- 14.8, రేగిడి- 14.8, మెంటాడ- 13, గంట్యాడ మండలంలో 12.8 మి.మీ వర్షం కురిసింది. మిగిలిన ప్రాంతాల్లో 2 నుంచి 10 మి.మీ మధ్య నమోదైంది. ఈ వర్షాలు సాగుకు ఎంతో అనుకూలమని వ్యవసాయాధికారులు చెబుతున్నారు. చెరువులు నిండుతుండడంతో వరి పంటకు నీటి సమస్య ఉండదని పేర్కొంటున్నారు.