Parvatipuram: కాలువల ఆధునికీకరణ పనుల్లో నాణ్యత లోపం

వీరఘట్టం: తోటపల్లి ఎడమ కాలువ ఆధునికీకరణ పనుల్లో నాణ్యత లోపాలు కనిపిస్తున్నాయని ఎమ్మెల్యే నిమ్మక జయకృష్ణ అన్నారు. స్థానిక మండల పరిషత్తు కార్యాలయంలో బుధవారం అధికారులతో నిర్వహించిన సమీక్ష సమావేశంలో ఆయన మాట్లాడారు. ఈ పనులు అవినీతిపరుల జేబులు నింపుకోవడానికి ఉపయోగపడ్డాయని చెప్పారు. బ్రాంచి, పిల్ల కాలువలు, అప్టెక్ ఛానల్లో పూడికలు పేరుకుపోయాయని తెలిపారు. ఉపాధిహామీ పథకంలో ఈ పనులు చేయించాలని ఏపీవో సత్యం నాయుడు, జలవనరుల శాఖ ఏఈ రాజేష్‌ను ఆదేశించారు. జగనన్న కాలనీ స్థలాల విక్రయాల్లో అవినీతి జరిగిందన్నారు. ఇందుకు సంబంధించిన వివరాలు అందజేయాలని తహసీల్దార్ జయప్రకాశ్‌ను కోరారు. వివరాలు అందుబాటులో లేవని తహసీల్దార్ చెప్పడంతో ఎమ్మెల్యే ఆశ్చర్యనికి గురయ్యారు. దీనిపై సమగ్ర విచారణ జరిపిస్తామన్నారు. పాలకొండ మార్కెట్ కమిటీ మాజీ అధ్యక్షులు పొదిలాపు కృష్ణమూర్తి నాయుడు, మండల తెదేపా అధ్యక్షుడు ఉదయాన ఉదయ భాస్కర్, నాయకులు అధికారులు పాల్గొన్నారు.