Odisha: ఇద్దరు వేటగాళ్లు అరెస్టు

బ్రహ్మపుర నగరం: ఒడిశాలో చిలికా వన్యప్రాణి డివిజన్‌ పరిధిలోని చిలికా సరస్సులో పక్షుల్ని వేటాడిన ఇద్దరు వేటగాళ్లను అటవీ శాఖ అధికారులు అరెస్టు చేశారు. వారి నుంచి 14 మృత పక్షులు స్వాధీనం చేసుకున్నామని, వీటిలో 13 గ్రే హెడ్‌ స్వాంప్‌ హెన్‌ జాతికి చెందినవని, ఒకటి వాటర్‌ కాక్‌ జాతి పక్షి అని డివిజన్‌ అధికారి (డీఎఫ్‌ఓ) అమ్లాన్‌ నాయక్‌ బుధవారం ‘న్యూస్‌టుడే’కు చెప్పారు. అరెస్టయిన నిందితుల్ని న్యాయస్థానానికి తరలించామని, వారు పూరీ జిల్లా గడఖరడ సమీపంలోని దెయిపూర్‌కు చెందిన సంతోష్‌ పొళాయి (24), టులు పొళాయి (27) అని ఆయన పేర్కొన్నారు.