Odisha: పుట్టగొడుగులు తిని ముగ్గురికి అస్వస్థత

పర్లాఖెముండి: అడవి నుంచి తీసుకొచ్చిన పుట్టగొడుగులను వంట చేసి తిన్న అనంతరం ముగ్గురు అస్వస్థతకు గురయ్యారు. ఈ ఘటన గజపతి జిల్లా మోహన ఠాణాలో శనివారం మధ్యాహ్నం చోటుచేసుకుంది. వివరాల్లోకి వెళితే మోహనా పంచాయతీ లదుర్మా గ్రామానికి చెందిన ఒకే కుటుంబానికి చెందిన ముగ్గురు వ్యక్తులు పుట్టగొడుగులు తిన్న అనంతరం తలనొప్పి వాంతులు కావడంతో అస్వస్థతకు గురయ్యారు. వెంటనే స్థానికులు వారిని మోహన ఆరోగ్య కేంద్రానికి తరలించి చికిత్స అందించారు. ప్రస్తుతం వారి ఆరోగ్య పరిస్థితి నిలకడగా ఉందని, చికిత్స కొనసాగుతుందని వైద్యులు తెలిపారు.