ఉపాధ్యాయులు తప్పనిసరిగా హెల్మెట్ ధరించాలి

పర్లాఖెముండి: గజపతి జిల్లా మోహన సమితి పరిధిలో విధులు నిర్వహిస్తున్న ఉపాధ్యాయులు తప్పనిసరిగా హెల్మెట్ ధరించాలని సమితి విద్యాధికారి నరేంద్ర బెహరా గురువారం ఆదేశాలు జారీ చేశారు. రోడ్డు ప్రమాదాలు తరచూ జరుగుతున్న నేపథ్యంలో జీవిత భద్రత కోసం ద్విచక్ర వాహనాల్లో పాఠశాలకు, వేరే ప్రాంతాలకు వెళ్లే ఉపాధ్యాయులు తప్పనిసరిగా హెల్మెట్ ధరించాలని, ఒకవేళ హెల్మెట్ ధరించకుండా ఎవరైనా కనిపిస్తే ఒక నెల రోజుల జీతం నిలిపివేయడం జరుగుతుందని ప్రకటనలో తెలిపారు. ఈ విధంగా జిల్లా అంతట అన్ని శాఖల వారు కూడా ఇలాంటి నియమాలు తీసుకొస్తే రోడ్డు ప్రమాదాలు తగ్గుతాయని పలువురు విశ్లేషకులు భావిస్తున్నారు.