Odisha: సర్పంచి తొలగింపు

పర్లాఖెముండి: గజపతి జిల్లా గుమ్మ సమితి జీబ పంచాయతీ సర్పంచి పదవిలో ఉన్న ఎడంగా సబర్‌ను పదవి నుంచి తొలగిస్తున్నట్లు ఉన్నత న్యాయస్థానం ఉత్తర్వులు జారీ చేసింది. గత పంచాయతీ ఎన్నికల్లో గెలుపొందిన ఎడంగా సబర్ ఇద్దరు పిల్లల సంతానం కలిగి ఉన్నానని ఎన్నికల అధికారికి తప్పుడు ధ్రువీకరణ పత్రాలు అందజేశారు. ముగ్గురు సంతానం కలిగి ఉన్నాడని ప్రత్యర్థి అభ్యర్థి రవీంద్ర సబర్ జిల్లా కోర్టు, ఉన్నత న్యాయస్థానం ఆశ్రయించాడు. దీంతో విచారించిన ఉన్నత న్యాయస్థానం సర్పంచి పదవులో ఉన్న ఎడంగా  తప్పుడు పత్రాలు సమర్పించాడని పూర్తి విచారణలో రుజువు కావడంతో అతన్ని పదవి నుంచి‌ తొలగొంచి రవీంద్రను సర్పంచ్‌గా నియమిస్తున్నట్లు బుధవారం ఉత్తర్వులు జారీ చేశారు.