Odisha: సర్పంచిపై‌ అనర్హత వేటు

పర్లాఖెముండి: గజపతి జిల్లా మోహన సమితి చందిపుట్ పంచాయతీకి చెందిన గ్రామ సర్పంచ్‌ కనకలత పాల్‌పై మోహన కోర్టు అనర్హత వేటు విధిస్తున్నట్లు బుధవారం తీర్మానించింది. గత పంచాయతీ ఎన్నికల్లో తప్పుడు ద్రువీకరణ పత్రాలు ఇచ్చి ఆమె ఎన్నికయ్యారని ప్రత్యర్ధి అభ్యర్థి లలిత బోడో రైత్ అప్పట్లో ఫిర్యాదు చేశారు. దీనిపై విచారణ చేపట్టిన కోర్టు తప్పుడు విద్యా పత్రాలు ఇచ్చి ఎన్నికయ్యారని తెలిపింది. దీనిపై జిల్లా యంత్రాంగంకి పూర్తి నివేదిక పంపించడం జరుగుతుందని, మరోసారి నూతన ఎన్నికలు జరపాలని ఆదేశాలు జారీ చేసింది.