సెప్టెంబరు 17న ‘సుభద్ర’ శుభారంభం

ప్రధాని మోదీ ప్రారంభిస్తారు: సీఎం మోహన్‌

ప్రధాని మోదీతో సీఎం, డిప్యూటీ సీఎంలు

భువనేశ్వర్, న్యూస్‌టుడే: మహిళలకు సంబంధించి ప్రతిష్ఠాత్మక ‘సుభద్ర’ పథకాన్ని సెప్టెంబరు 17న ప్రధాని జన్మదినంనాడు నరేంద్రమోదీ స్వయంగా ప్రారంభిస్తారని ముఖ్యమంత్రి మోహన్‌చరణ్‌ మాఝి చెప్పారు. శనివారం రాత్రి దిల్లీలో నీలాంచల్‌ ఒడియా సమితి ప్రతినిధులు సీఎం, ఉపముఖ్యమంత్రులు కనకవర్ధన్‌ సింగ్, ప్రభాతి పరిడలను సన్మానించారు. ఈ సందర్భంగా మోహన్‌ మాట్లాడుతూ... మహిళలకు రూ.50 వేలు చొప్పున సుభద్ర పథకం కింద నగదు పంపిణీ చేస్తామని భాజపా మేనిఫెస్టోలో చెప్పామని, దీన్ని 100 రోజుల్లో అమలు చేస్తామని తెలిపామని, దానికి కట్టుబడి తొలి కేబినెట్‌ సమావేశంలో తీర్మానించిన సంగతి గుర్తు చేశారు. సుభద్ర పథకం ప్రారంభానికి ప్రధానిని ఆహ్వానించామని, ఆయన అంగీకరించారని, 17న ఆయన  పథకాన్ని ప్రారంభిస్తారని ముఖ్యమంత్రి మోహన్‌చరణ్‌ మాఝి చెప్పారు.