టీమ్‌ ఇండియాకు సైకత యానిమేషన్‌తో శుభాకాంక్షలు

న్యూస్‌టుడే, బ్రహ్మపుర నగరం: టీ20 ప్రపంచ కప్‌ విజేత టీమ్‌ ఇండియాకు దేశవ్యాప్తంగా అభినందనలు వెల్లువెత్తుతున్నాయి. బ్రహ్మపురానికి చెందిన కళాకారుడు సత్యనారాయణ మహరణా ఆదివారం సైకత యానిమేషన్‌ తీర్చిదిద్ది టీమ్‌ ఇండియాకు శుభాకాంక్షలు తెలిపాడు. ఈ కళాకృతిలో భారత్‌ కెప్టెన్‌ రోహిత్‌ శర్మ, ప్రపంచ కప్, భారత్‌ పతాకం తదితరాలు తీర్చిదిద్దాడు. 

పర్లాఖెముండిలో త్రివర్ణ పతాకంతో ఊరేగింపు

పర్లాఖెముండి, న్యూస్‌టుడే: టీ20 ప్రపంచకప్‌ ఫైనల్‌లో భారత్‌ విజయం సాధించడంతో పట్టణానికి చెందిన యువకులు శనివారం రాత్రి త్రివర్ణ పతాకంతో ఊరేగింపు చేపట్టారు. బాణసంచా కాలుస్తూ సందడి చేశారు. 17 ఏళ్ల తర్వాత ట్రోఫీ సాధించి విశ్వ విజేతగా నిలిచిన భారత జట్టుకు అభినందనలు తెలిపారు.