Crime news: యువకుడి దారుణ హత్య

బ్రహ్మపురం నగరం: గంజాం జిల్లా గొలంత్రా పోలీస్ స్టేషన్ పరిధిలోని బాది కూడలి వద్ద ఆదివారం సాయంత్రం ఎ. బాలు (24) అనే యువకుడిని హత్య చేశారు. మృతుడు శ్రీకాకుళం జిల్లా కేదారపురానికి చెందినవాడని గొలంత్రా ఠాణా ఇన్‌ఛార్జ్ ఇన్‌స్పెక్టర్ బిబేకానంద స్వయిన్ సోమవారం న్యూస్ టుడేకు చెప్పారు. బెలపడకు చెందిన 5 యువకులపై కేసు నమోదు చేశామని తెలిపారు. మృతదేహానికి సోమవారం ఎంకేసీజీలో పరీక్ష జరిపించామని అన్నారు. ఈ దాడిలో అడ్డుకునేందుకు వెళ్లిన అతడి ఇద్దరు మిత్రులపైనా నిందితులు దాడి చేశారని ఆయన పేర్కొన్నారు.