బస్సులో రూ.80 లక్షల చోరీ

కావలి : బస్సులో ప్రయాణిస్తున్న వ్యాపారుల దగ్గర రూ.80 లక్షల నగదును దొంగలు అపహరించారు. సోమవారం రాత్రి మద్దూరుపాడు వద్దనున్న ఓ దాబా సమీపంలో ఆగి ఉన్న బస్సులో ఈ ఘటన చోటుచేసుకుంది. విజయవాడ నుంచి బెంగళూరు వైపు వెళుతున్న బస్సులో ఇద్దరు వ్యాపారులు ఉన్నారు. భోజనం చేసేందుకు మద్దూరుపాడులో ఆపారు. ఈ సమయంలో ఒకరు దాబాలో తిని సహచరుడికి పార్సిల్‌ తెచ్చేందుకు వెళ్లారు. బస్సులో వారితో వచ్చిన అగంతుకులు సదరు వ్యాపారికి మత్తు మందు పెట్టి స్పృహ కోల్పోయేలా చేశారు. అతని వద్ద ఉన్న సంచి తీసుకుని రహదారికి అవతల వైపు వెళ్లి మరో వాహనంలో పరారయ్యారు. పోలీసులకు ఫిర్యాదు అందడంతో కేసు నమోదు చేసి దర్యాప్తు చేస్తున్నారు.