వైకాపా నాయకుల ఆక్రమణల తొలగింపు

ఆక్రమణలు తొలగిస్తున్న యంత్రం

బిట్రగుంట, న్యూస్‌టుడే: ప్రభుత్వ భూమిలో వైకాపా నాయకులు నిర్మించిన అక్రమ కట్టడాలను సోమవారం అధికారులు కూల్చివేశారు. ఈ ఘటన సోమవారం బోగోలులో జరిగింది. బోగోలు పంచాయతీ మణికంఠనగర్‌ సమీపంలోని నాలుగు రోడ్ల కూడలిలో ఇద్దరు వైకాపా నాయకులు ప్రభుత్వ భూమిని ఆక్రమించి నిర్మాణాలు చేపట్టారని మండల పరిషత్‌ అధికారులు గుర్తించారు. దీనిపై ఫిర్యాదులు రావడంతో ఉన్నతాధికారుల సూచనల మేరకు మండల ఈవోపీˆఆర్డీ శ్రీదేవి పర్యవేక్షణలో ఆక్రమణల తొలగింపు చేపట్టారు. ఈ సందర్భంగా ఆమె మాట్లాడుతూ ఇకపై ఈ స్థలంలో ఎటువంటి నిర్మాణాలు చేసినా కఠిన చర్యలు ఉంటాయని హెచ్చరించారు.