వైద్య విద్యార్థినికి ప్రతిష్ఠాత్మక పురస్కారం

ఆత్మకూరు, న్యూస్‌టుడే: ఆత్మకూరుకు చెందిన వైద్య విద్యార్థిని ఐశ్వర్య చంద్రిక అమెరికాలోని ప్రతిష్ఠాత్మక ‘డాక్టర్‌ ఇర్విన్‌ గోల్డ్‌ ఫర్డ్‌ మెమోరియల్‌ అవార్డు’ వరించింది. ఇటీవల సెయింట్‌ మైఖెల్‌ మెడికల్‌ సెంటర్‌లో జరిగిన ఇంటర్నల్‌ రెసిడెన్సీ ప్రోగ్రాంలో ప్రతిభ చూపి పలువురి ప్రశంసలు పొందారు. ఆత్మకూరు మండలం అప్పారావుపాళెంనకు చెందిన ప్రముఖ క్యాన్సర్‌ వ్యాధి నిపుణులు డాక్టర్‌ సీకే నాయుడు కుమార్తె ఐశ్వర్య చంద్రిక అమెరికాలో వైద్య విద్యలో ఎండీ పూర్తిచేశారు. విషయం తెలుసుకున్న గ్రామస్థులు హర్షం వ్యక్తం చేశారు. ప్రభాకర్‌ నాయుడు ఆధ్వర్యంలో పలువురు అభినందనలు తెలిపారు.