మండలంలో ఎమ్మెల్యే పర్యటన

కొండాపురం: కొండాపురం మండలంలోని మర్రిగుంట గ్రామంలో శాసనసభ సభ్యుడు కాకర్ల సురేష్ మంగళవారం పర్యటించారు. ఈ సందర్భంగా గ్రామంలోని మహిళలు పలు సమస్యలు ఆయన దృష్టికి తీసుకొచ్చారు. స్పందించిన ఎమ్మెల్యే వాటిని పరిశీలించి పరిష్కరిస్తామని వారికి తెలియజేశారు. అనంతరం ఎస్సీ కాలనీలో తెదేపా జెండా ఆవిష్కరించి పోతురాజు ఆలయం వద్ద కొబ్బరికాయ కొట్టి పూజలు నిర్వహించారు. కార్యక్రమంలో గ్రామ తెదేపా నాయకులు చిట్టాబత్తిన మాచర్ల, తెదేపా రాష్ట్ర కార్యదర్శి మన్నేటి వెంకటరెడ్డి, సీనియర్ నాయకులు చిరంజీవి రెడ్డి, అరే పాపారాయుడు, మండల కన్వీనర్ ఓంకారం, చాగంటి కృష్ణ, పోలినేని రమేష్ పాల్గొన్నారు.