Bhongir: అభివృద్ధి పథంలో నడిపిస్తా: ఎమ్మెల్యే

భువనగిరి: భువనగిరి నియోజకవర్గంలోని ప్రతి పల్లెను అభివృద్ధి పథంలో నడిపిస్తానని ఎమ్మెల్యే కుంభం అనిల్ కుమార్ రెడ్డి అన్నారు. సోమవారం  భువనగిరి మండలం హన్మపురం, బస్వపురం, ముత్తిరెడ్డిగూడెం, అనాజీపూర్ గ్రామాలలో పలు అభివృద్ధి పనులను ప్రారంభించారు. ఈ సందర్భంగా ఆయన మాట్లాడుతూ.. గ్రామాలలో మౌలిక సదుపాయాలు కల్పించడంతోపాటు ప్రజల కోరిక మేరకు వారికి అవసరమైన పనులను చేపడతామన్నారు. పల్లెలు అభివృద్ధి చెందితేనే రాష్ట్రం అభివృద్ధి చెందుతుందన్నారు. హన్మపురం, మదిర, కుర్మగుడెం గ్రామంలో బీసి కమిటీ హాల్, ప్రహారీ గోడ,  బస్వపురం గ్రామంలో ఫంక్షన్ హాల్, ప్రాథమిక పాఠశాలలో అదనపు తరగతి గది, డైనింగ్ హాల్ పనులను ప్రారంభించారు. ఆయా కార్యక్రమాల్లో ఎంపీపీ నరాల నిర్మల, జడ్పీటీసీ సభ్యులు బీరు మల్లయ్య, తదితరులు పాల్గొన్నారు.