కొత్త చట్టాలపై అవగాహన అవసరం

జిల్లా ప్రధాన న్యాయమూర్తి జయరాజుకు కొత్త చట్టాల పుస్తకాలను అందజేస్తున్న న్యాయవాది రాపోలు భాస్కర్‌

భువనగిరి గంజ్, న్యూస్‌టుడే: న్యాయవాదులు చట్టాలపై అవగాహన పెంచుకోవాల్సిన అవసరం ఉందని జాతీయ న్యాయవాదుల యూనియన్‌(ఐలు) రాష్ట్ర అధ్యక్షుడు కొల్లి సత్యనారాయణ అన్నారు. కోర్టులో శనివారం ఏర్పాటు చేసిన శిక్షణ కార్యక్రమంలో ఆయన పాల్గొని మాట్లాడారు. వృత్తిపై పట్టు సాధించేందుకు న్యాయవాదులు నిరంతర విద్యార్థిగా మందుకు సాగాలన్నారు. చట్టాలలో జరిగిన కొన్ని మార్పులపై పట్టు సాధించి వృత్తిలో రాణించాలని సూచించారు. ఈ సందర్భంగా మూడు కొత్త చట్టాల పుస్తకాలను సీనియర్‌ న్యాయవాది రాపోలు భాస్కర్‌ జిల్లా ప్రధాన న్యాయమూర్తి జయరాజుకు అందజేశారు. చట్టాల మార్పులపై సీనియర్‌ న్యాయవాది మహ్మద్‌ అబ్దుల్‌ రహీం అవగాహన కల్పించారు. కార్యక్రమంలో బార్‌ అసోసియేషన్‌ అధ్యక్షుడు బబ్బూరి హరినాథ్, ఐలు జిల్లా అధ్యక్షుడు మామిడి వెంకట్‌రెడ్డి, ఉపాధ్యక్షుడు కుక్కదూగు సోమయ్య, న్యాయవాదులు నాగారం అంజయ్య, రవీందర్, శ్రీకాంత్, గోద వెంకటేశ్వర్లు, జయ, జగతయ్య, నిహాల్, వెంకటేశం, దాసు, విద్యాసాగర్‌ పాల్గొన్నారు.