Nalgonda: ప్రకృతి వైద్యంతోనే సంపూర్ణ ఆరోగ్యం

భువనగిరి: సహజ సిద్ధంగా లభించే ఆహారం ద్వారానే సంపూర్ణ ఆరోగ్యం లభిస్తుందని ప్రముఖ ప్రకృతి వైద్యుడు డాక్టర్ రామచంద్ర అన్నారు. భువనగిరిలో ఏర్పాటు చేసిన అవగాహన సదస్సులో ఆయన పాల్గొని మాట్లాడారు. ప్రకృతి ప్రసాదించిన దివ్య ఔషధాలు ఆహారాలను క్రమం తప్పకుండా తీసుకోవడంతో పాటు జీవనశైలిలో మార్పు చేసుకుంటే వ్యాధుల బారిన పడకుండా ఉంటామన్నారు. రసాయన నిల్వ ఉంచిన ఆహార పదార్థాలు, ప్యాకెట్ ఫుడ్స్ కు దూరంగా ఉండాలని ఆయన సూచించారు. మున్సిపల్ ఛైర్మన్ పోతంశెట్టి వెంకటేశ్వర్లు కార్యక్రమ నిర్వాహకులు మెరుగు మధు, మాటూరి అశోక్, కొత్త బాలరాజ్, ఇమ్రాన్ తదితరులు పాల్గొన్నారు.