Nalgonda: ఎమ్మెల్సీని అడ్డుకున్న భాజపా నాయకులు

భువనగిరి: రాష్ట్ర ప్రభుత్వం వెంటనే ఉద్యోగ నియామకాల ప్రక్రియను చేపట్టాలని డిమాండ్ చేస్తూ బీజేవైఎం భాజపా ఆధ్వర్యంలో భువనగిరి జడ్పీ కార్యాలయం వద్ద ఆందోళన చేపట్టారు. జిల్లా పరిషత్ సమావేశంలో పాల్గొనేందుకు వచ్చిన ఎమ్మెల్సీ తీన్మార్ మల్లన్నను అడ్డుకున్నారు. జాబ్ క్యాలండర్‌ విడుదల చేయడంతో పాటు ఉద్యోగ నోటిఫికేషన్లు జారీ చేయాలని నినాదాలు చేశారు. ఎమ్మెల్సీనీ అడ్డుకోవడంతో కొంత రసాభాస జరిగింది. పోలీసులు భాజపా నాయకులను అదుపులోకి తీసుకొని స్టేషన్‌కు తరలించారు. అనంతరం ఎమ్మెల్సీ మల్లన్నకు పార్టీ నాయకులు వినతిపత్రం సమర్పించారు. భాజపా నాయకులు నర్ల నర్సింగ్ రావు, రత్నపురం శ్రీశైలం, మాయ దశరథ, సంతోష్ తదితరులు ఆందోళనలో పాల్గొన్నారు.