Mahbubnagar: మార్కెట్ యార్డును అప్ గ్రేడ్ చెయ్యాలి

రాజోలి: అయిజ మున్సిపాలిటీలోని వ్యవసాయ మార్కెట్ యార్డులో సమస్యలు పరిష్కరించి అప్ గ్రేడ్ చేయాలని జోగులాంబ గద్వాల జిల్లా భాజపా అధ్యక్షుడు రామచంద్ర రెడ్డి డిమాండ్ చేశారు. మంగళవారం ఆయన, పార్టీ నాయకులతో కలిసి మార్కెట్ యార్డ్‌ను పరిశీలించారు. ఐజ పట్టణంతో పాటు 32 గ్రామాల ప్రజలు ప్రతిరోజు తెల్లవారుజామున 4 గంటల నుంచి 7 గంటల మధ్యలో, కూరగాయలను వేలంపాట నిర్వహిస్తారు. వచ్చే రైతులకు కనీస సౌకర్యాలు లేవని వాపోయారు. తాగునీటి సౌకర్యము, మరుగుదొడ్లు అందుబాటులో లేవని, మార్కెట్ మొత్తం ముళ్ళకంపతో పెరిగి వాటిలో నుంచి విష సర్పాల సంచారంతో భయాందోళనకు గురవుతున్నారని అన్నారు. ఇప్పటికైనా ప్రభుత్వం స్పందించి చర్యలు చేపట్టాలని వారు డిమాండ్ చేశారు. కార్యక్రమంలో అయిజ పట్టణ, మండల అధ్యక్షుడు నరసింహ శెట్టి, గోపాలకృష్ణ, పట్టణ ప్రధాన కార్యదర్శి భగత్ రెడ్డి, మేడికొండ భీమ్ సేన తదితరులు పాల్గొన్నారు.