Mahbubnagar: పెండింగ్ కేసులపై ఎస్పీ సమీక్ష సమావేశం

రాజోలి: గద్వాల పట్టణంలోని జిల్లా పోలీస్ కార్యాలయంలో ఎస్పీ శ్రీనివాస రావు జిల్లాలోని పోలీస్ ఛానల్లో పెండింగ్ కేసులపై అధికారులతో సమీక్ష సమావేశం నిర్వహించారు. ఈ సందర్భంగా పెండింగ్‌లో ఉన్న (అండర్ ఇన్వెస్టిగేషన్) కేసులలో గ్రేవ్, నాను గ్రేవ్ కేసుల గురించి సిఐ, ఎస్ఐలను అడిగి తెలుసుకున్నారు. అనంతరం ఎస్పీ మాట్లాడుతూ.. ఉమెన్ మిస్సింగ్ కేసులపై ప్రత్యేక దృష్టి పెట్టి చేధించాలన్నారు. ప్రతి కేసులో ప్లాన్ ఆఫ్ యాక్షన్ ఉండాలన్నారు. సైబర్ నేరాల్లో త్వరితగతిన పరిశోధన పూర్తి చేయాలన్నారు. పెండింగ్‌లో ఉన్న గ్రేవ్ కేసులను త్వరగా విచారించి చార్జిషీట్ దాఖలు చేయాలని ఆదేశించారు. సమావేశంలో జిల్లా అదనపు ఎస్పీ కె.గుణ శేఖర్, డి.ఎస్పీ సత్యనారాయణ,  సీఐలు బీమ్ కుమార్, రవి బాబు, రత్నం తదితరులున్నారు.