Mahbubnagar:: సామాజిక బాధ్యత సేవా బృందం చేయూత

రాజోలి: గద్వాల పట్టణానికి చెందిన సోషల్ రెస్పాన్సిబిలిటీ బృందం సభ్యులు తీవ్ర అనారోగ్యంతో బాధపడుతున్న మహిళకు మంగళవారం రూ.42 వేల ఆర్థిక సాయం అందజేశారు. గద్వాల మండలం అనంతపురం గ్రామానికి చెందిన సుచరిత(41) తన రెండు కిడ్నీలు చెడిపోవడంతో కొంతకాలంగా తీవ్ర అనారోగ్యంతో బాధపడుతోంది. వైద్యం కోసం డబ్బు అందక ఇబ్బంది పడుతున్నారని తెలుసుకున్న సోషల్ రెస్పాన్సిబిలిటీ బృందం సభ్యులు, గ్రామానికి వెళ్లి బాధితురాలితో మాట్లాడారు. అనంతరం ఆమెకు వైద్య ఖర్చుల నిమిత్తం ఆర్థిక సాయం అందజేశారు. విద్యుత్ శాఖ సిబ్బంది పాల్గొన్నారు.