Mahbubnagar: కస్తూర్బాను ఏర్పాటు చేయాలని వినతి

రాజోలి: వడ్డేపల్లిలో నిర్వహిస్తున్న రాజోలి కస్తూర్బా పాఠశాలలో బాలికలు తీవ్ర ఇబ్బందుల మధ్య చదువులు కొనసాగిస్తున్నారని, ఆ పాఠశాలను మండల కేంద్రానికి మార్చాలని తల్లిదండ్రులు మంగళవారం ఎంపీడీవో రమేశ్‌ కుమార్‌కు వినతిపత్రం అందజేశారు. కస్తూర్బా కోసం మంజూరైన భవనం ఏడేళ్లుగా అసంపూర్తిగానే ఉండటంతో 220 మందికి పైగా విద్యార్థులు మూడు తరగతి గదుల్లో చదువుకోవాల్సి వస్తోందని ఆవేదన వ్యక్తం చేశారు. వారి కోసం రాజోలిలోనే తాత్కాలిక భవనం ఏర్పాటు చేసి, అక్కడి నుంచి పాఠశాలను తరలించాలని వారు కోరారు. సమస్యను ఉన్నతాధికారుల దృష్టికి తీసుకెళ్తానని ఈ సందర్భంగా ఎంపీడీవో వారికి హామీ ఇచ్చారు.