Mahbubnagar: నాణ్యమైన భోజనం అందించాలి

రాజోలి: పాఠశాలలో విద్యార్థులకు నాణ్యమైన విద్యతో పాటు, మెనూ ప్రకారం భోజనం అందించాలని జడ్పీ ఛైర్‌పర్సన్‌ సరిత అన్నారు. మంగళవారం గద్వాల మండలం గోనుపాడు గ్రామంలో ఉన్న కస్తూర్బా గాంధీ పాఠశాలను ఆమె తనిఖీ చేసారు. విద్యార్థుల సమస్యలను అడిగి తెలుసుకున్నారు. వర్షాకాలంలో సీజనల్ వ్యాధుల పట్ల అప్రమత్తంగా ఉండాలన్నారు. అనంతరం ఎన్.సి.సి విద్యార్ధులతో కలసి పాఠశాల ఆవరణలో మొక్కలు నాటారు. కార్యక్రమంలో కాంగ్రెస్ పార్టీ నాయకులు మధుసూదన్ బాబు, శ్రీనివాస్ గౌడ్, కృష్ణారెడ్డి, లక్ష్మణ్, నాగేంద్ర యాదవ్ తదితరులు పాల్గొన్నారు.