పచ్చని కొండ.. మధురానుభూతి నిండా!

పచ్చని మన్యంకొండపై స్వామివారి కోవెల

పేదల తిరుపతిగా విరాజిల్లుతున్న మన్యంకొండ పుణ్యక్షేత్రం పచ్చని అందాలతో కనువిందు చేస్తోంది. ఇటీవల కురిసిన వానలకు కొండపై పచ్చదనం పరచుకుంది. ఎటు చూసినా పచ్చని చెట్లు ఆహ్లాదం పంచుతున్నాయి. పక్షులు ఆనందంతో చేస్తున్న కిలాకిలా రావాలు వినిపిస్తున్నాయి. ఘాట్‌రోడ్డులో ప్రయాణం భక్తులకు మధురానుభూతిని ఇస్తోంది.

 కనువిందు చేస్తున్న కోనేరు

మెట్ల మార్గం, ప్రకృతి నడుమ ఉన్న కోనేరు చూపరులను ఆకట్టుకుంటున్నాయి. భక్తులు స్వామివారిని దర్శించుకుని ప్రకృతిలో సేదతీరి మధురానుభూతితో తిరిగి వెళ్తున్నారు. 

ఈనాడు, మహబూబ్‌నగర్‌