Mahbubnagar: చంద్రప్రభ వాహనంపై ఊరేగిన నారాయణుడు

రాజోలి: మండల కేంద్రమైన రాజోలిలోని శ్రీలక్ష్మి వైకుంఠనారాయణ స్వామి ఉత్సవాలలో భాగంగా బుధవారం స్వామి వారికి వివిధ రకాల సేవలను వైభవంగా నిర్వహించారు. వేద పండితులు స్వామివారికి ఉదయం ప్రత్యేక అభిషేకాలు, మహామంగళారతి, నిత్యహోమం పూజలు చేశారు. అనంతరం మంగళ వాయిద్యాలు, గోవిందనామ స్మరణల మధ్య చినశేష వాహనం, చంద్రప్రభ వాహన సేవ నిర్వహించారు. స్వామి వారి సేవలను చూసి భక్తులు పునీతులయ్యారు. ఆలయం నుంచి బస్టాండు గుండా ఆంజనేయస్వామి ఆలయం వరకు ఊరేగింపు కొనసాగింది. బ్రహ్మోత్సవాలలో నాల్గవ రోజైన శుక్రవారం భూదేవి, శ్రీదేవి, లక్ష్మిదేవి సమేత స్వామి వారి కల్యాణం అంగరంగవైభవంగా నిర్వహించనున్నట్లుగా ఆలయ కమిటీ సభ్యులు తెలిపారు.