నియోజకవర్గ అభివృద్ధికి కృషి

రాజోలి : అలంపూర్ నియోజకవర్గ అభివృద్ధికి తన వంతు కృషి చేస్తున్నానని ఎమ్మెల్యే విజయుడు అన్నారు. బుధవారం జోగులాంబ గద్వాల జిల్లా వడ్డేపల్లి మండలం కొంకల గ్రామంలో  ప్రభుత్వ నిధులతో నిర్మించిన బీసీ కమ్యూనిటీ హల్ (ముదిరాజ్ భవనము)ను ప్రారంభించారు. అనంతరం  వడ్డెర కమ్యూనిటీ హల్ భవనానికి శంకుస్థాపన చేశారు.  ఈ సందర్భంగా ముదిరాజ్ సంఘం పెద్దలు , వడ్డెర సోదరులు ఎమ్మెల్యే విజేయుడు, ఎంపీపీ రజిత, వైస్ ఎంపీపీ చంద్రశేఖర్ గౌడ్, మాజీ జెడ్పిటిసి వడ్డేపల్లి శ్రీనివాసులు ను  పూల మాల,  శాలువతో సన్మానం  చేశారు. మత్యశాఖ జిల్లా అధ్యక్షులు టి గోపాల్, పుల్లూరు నాగేశ్వర రెడ్డి   తదితరులు పాల్గొన్నారు.