Mahbubnagar: ఇంటర్ పాఠ్యపుస్తకాలొచ్చాయ్.!

రాజోలి: రాష్ట్ర ప్రభుత్వం జూనియర్ కళాశాలల్లో చదువుతున్న వారికి ఉచితంగా పాఠ్యపుస్తకాలు అందిస్తోంది. అయితే.. ఇంటర్ పాఠాలు జూన్ 1వ తేదీ నుంచి ప్రారంభం కాగా, పుస్తకాలు లేక విద్యార్థుల చదువులు ముందుకు సాగడం లేదు. ఈ నేపథ్యంలో ప్రభుత్వం ఎట్టకేలకు పుస్తకాలను సరఫరా చేసింది. జోగులాంబ గద్వాల జిల్లాలో మొత్తం 8 ప్రభుత్వ జూనియర్ కళాశాలలున్నాయి. వీటిలో 2,250 మందికి పైగా విద్యార్థులు ఎంపీసీ, బైపీసీ, హెచ్‌ఈసీ, సీఈసీ, వృత్తివిద్య కోర్సుల్లో చదువుతున్నారు. వీరికి పంపిణీ చేసేందుకు 15,330 పాఠ్యపుస్తకాలను ప్రభుత్వం సరఫరా చేసినట్లు ఇంటర్ నోడల్ అధికారి తెలిపారు.