Mahbubnagar: బాల కార్మికుల నిర్మూళన అందరి బాధ్యత

రాజోలి: బాల కార్మిక వ్యవస్థను నిర్మూలించడం అందరి బాధ్యతని, ఇందుకు ప్రతి ఒక్కరూ కృషి చేయాలని ఎంవీ ఫౌండేషన్ మండల సమన్వయకర్త హన్మిరెడ్డి అన్నారు. బాల కార్మిక వ్యతిరేఖ దినోత్సవం సందర్భంగా బుధవారం మండలంలోని ముండ్లదిన్నె గ్రామంలో అవగాహన ర్యాలీ నిర్వహించారు. పాఠశాల నుంచి ప్రధాన వీధుల్లో నినాదాలు చేస్తూ ర్యాలీ చేపట్టారు. ఈ సందర్భంగా వారు మాట్లాడుతూ.. బడిఈడు పిల్లలను పాఠశాలకు పంపించకుండా, పనికి పంపడం వల్ల వారి భవిష్యత్తు అంధకారం అవుతుందని తల్లిదండ్రులకు సూచించారు. ప్రజాప్రతినిధులు, యువత, మహిళలు భాగస్వామ్యం కావాలని పిలుపునిచ్చారు. కార్యక్రమంలో మాజీ సర్పంచిలు మహేశ్వర్‌రెడ్డి, రాఘవరెడ్డి, హెచ్ఎం నస్రీన్, కార్యదర్శి జ్ఞానేశ్వరి తదితరులు పాల్గొన్నారు.