Mahbubnagar: పింఛన్ కోసం రోడ్డెక్కిన వృద్ధులు, దివ్యాంగులు

రాజోలి: ప్రతి నెల మొదటి వారంలో అందాల్సిన పింఛను సక్రమంగా అందడం లేదంటూ ఐజ పట్టణంలో వృద్ధులు, దివ్యాంగులు రోడ్డెక్కి ఆందోళన చేపట్టారు. పట్టణంలోని పాత బస్టాండ్ సెంటర్‌లో నిరసన తెలిపారు. 5వ తేదీలోగా ఇవ్వాల్సిన పింఛన్ ఇంతవరకు ఇవ్వకపోవడంతో ఇబ్బందులు పడుతున్నామని ఈ సందర్భంగా పింఛనుదారులు వాపోయారు. వారికి జిల్లా భాజపా అధ్యక్షుడు రామచంద్రారెడ్డి మద్దతు తెలిపారు. ప్రభుత్వం పట్టించుకోకపోవడం వల్ల ఈ పరిస్థితి ఏర్పడుతుందని ఆయన విమర్శించారు. పింఛను రూ.4,000 పెంచుతామని ఎన్నికల్లో హామీ ఇచ్చిన సీఎం పట్టించుకోవడంలేదని అన్నారు.